16.45c
Երեվան
շբթ, հնս 27
Հայ գործարարներու միութեան նախագահ, գործարար Սամուէլ Կարապետեան հանդէս եկած է յայտարարութեամբ հայ-ռուսական յարաբերութիւններու անհանգստացնող միտումներու մասին, ուր ըսուած է.
«Անհնար է անտեսել այն վտանգաւոր ազդակներն ու միտումները, որոնք վերջին ամիսներին մեծ թափ են հաւաքում Հայաստանում։ Այսօր տարբեր ուժեր բացայայտ կերպով Հայաստանին մղում են Ռուսաստանից հրաժարելու եւ պատմական ինքնաոչնչացման քայլին։
Կարեւոր է հենց հիմա կանխել այնպիսի որոշումների ընդունումը, որոնք անխուսափելիօրէն կարող են յանգեցնել ծանր հետեւանքների ինչպէս Արցախի, այնպէս էլ Հայաստանի համար։ Այս առումով, ինչպէս եւ նախկինում, կարծում եմ, որ Արցախի ապագայի անվտանգութեան եւ նրա բնակիչների խաղաղ կեանքի միակ երաշխիքը պատմական այս դժուարին ժամանակաշրջանում Ռուսաստանի միջնորդութիւնն է խաղաղութեան համաձայնագրի ստորագրման հարցում։
Հայաստանի իշխանութիւնները պէտք է հաւասարակշռուած մօտեցում դրսեւորեն, որը անվտանգութեան ամուր երաշխիքներ կը տայ եւ կը կանխի Արցախի կորուստը։
Չի կարելի հաշուի չառնել նաեւ, որ Ռուսաստանի Դաշնութիւնն այսօր Հայաստանի ամենամեծ տնտեսական գործընկերն է, ռուս խաղաղապահներն Արցախի անվտանգութեան երաշխաւորն են, մեր երկրներին միաւորում են դարաւոր գործընկերային, մշակութային եւ հոգեւոր կապեր։
Այդ իսկ պատճառով այժմ, առաւել քան երբեւէ, կենսական նշանակութիւն ունի ճիշդ ընտրութիւն կատարել եւ պահպանել հայկական Արցախը աշխարհի համար»։
