4.09c
Երեվան
չրք, փտր 25
Մոսկուայի մէջ ընթացող հանդիպման ժամանակ ՌԴ նախագահ Վլատիմիր Փութինը շնորհաւորած է Նիկոլ Փաշինեանը խորհրդարանական ընտրութիւններուն տարած յաղթանակի կապակցութեամբ:
«Կարեւորը ժողովուրդի վստահութիւնն է: Դուք այն ունիք: Այդ կ'երեւայ ընտրութիւններու արդիւնքներէն: Այդ շատ կարեւոր է: Երկրի կեանքին մէջ նման բարդ պահերուն այդ ամենակարեւոր պայմանն է հետագայ զարգացման համար»,- ըսած է ՌԴ ղեկավարը:
Փաշինեանը անդրադարձած է անվտանգութեանն առնչուող հարցերուն եւ անոնց շուրջ վերջերս տեղի ունեցող աշխոյժ քննարկումներուն: Վերջինս խօսած է տարածաշրջանին մէջ ստեղծուած ոչ կայուն իրավիճակի մասին՝ ընդգծելով ՌԴ նախագահի եւ Ռուսաստանի դերակատարութիւնն ու ջանքերը հրադադարի կնքման համար:
«Ռուս խաղաղապահների տեղակայումից յետոյ ԼՂ-ում իրավիճակը կայուն է, սակայն, երբեմն, անկայունութեան օճախներ են ստեղծուում, եւ այսօր ցանկանում եմ Ձեզ հետ կիսուել գնահատումներով, թէ ինչու է դա տեղի ունենում: Անկայուն է նաեւ իրավիճակը Հայաստանի եւ Ատրպէյճանի սահմանին: Այս առիթով բազմիցս խօսել ենք, այստեղ նոյնպէս մշտական անհանգստութեան օճախ կայ վերջին երկու ամսուան ընթացքում»,-ըսած է Փաշինեանը՝ յոյս յայտնելով, որ այդ հարցով քննարկում տեղի պիտի ունենայ այսօր:
Անդրադառնալով 15 հայ ռազմագերիներու վերադարձին՝ Փաշինեանը դարձեալ ընդգծած է ռուսական կողմի դերակատարութիւնն ու յիշատակած 24 Յունիսին ՌԴ նախագահի հետ ունեցած հեռախօսազրոյցը, որմէ մէկ շաբաթ անց տեղի ունեցած է ռազմագերիներու վերադարձը:
Խօսելով տնտեսական համագործակցութեան եւ Հարաւ-կովկասեան երկաթուղիի կառուցման մասին՝ Փաշինեանը նշած է, որ այսօր լիարժէք թափով կ'ընթանայ երկաթուղային համալիրներու թարմացումը Հայաստանի մէջ:
Անոր խօսքով՝ խոշոր ներդրումային ծրագրեր կ'իրականացուին, ընթացիկ տարուան մէջ կ'աճի Հայաստանէն ՌԴ արտահանման ծաւալը, Հայաստանն այսօր արդէն ստացած է աւելի քան 110 000 չափաբաժին «Սփութնիք V» պատուաստանիւթ:
