-0.91c
Երեվան
երկ, դկտ 23
Սուրիա- «Արեւելք» Հալէպի իր աղբիւրէն տեղեկութիւններ ստացած է մօտիկ անցեալին հայահոծ համարուած «Նոր գիւղ» շրջանին մասին: Ըստ մեր աղբիւրին` «Նոր գիւղ»ը կամ արաբական անուանումով «Հայ Ալ Միտան» շրջանը պատերազմական հատման սահմանային գիծ ըլլալու ընդհանուր դրութեան հետեւանքով դարձած է գրեթէ անմարդաբնակ: Մեր աղբիւրին համաձայն հայաբնակ այդ շրջաննները գրեթէ դատարկոուած են եւ շրջանի բնակիչները կամ փոխադրուած են այլ վայրեր, կամ ալ` երկրէն ընդհանրապէս հեռացած: Ըստ մեր աղբիւրին հայաբնակ բնակարաններուն մեծ տոկոսը թալանուած է եւ տուները կը գտնուին անմխիթար վիճակի մը մէջ: Ականատեսներէ ստանալով իր տեղեկութիւնները` մեր աղբիւրը նոյնպէս կը յայտնէ, թէ քիչ չեն այն դէպքերը, երբ հայ բնակիչներ փորձած են իրենց տուները քննելու համար շրջան վերադառնալ եւ նկատած, որ տուները դատարկ են ու ամբողջութեամբ թալանուած: Նշենք, որ «Արեւելք»ի հրապարակած սոյն նկարները առնուած են օրեր առաջ «Նոր Գիւղ»ը Պուրճ ճաշարանի թաղամասէն, որուն բնակչութեան մեծագոյն մասը հայեր էին: Պէյրութի Պուրճ Համուտի կողքին Հալէպի «Նոր գիւղ»ը կը համարուէր Միջին Արեւելքի ամէնէն հայահոծ շրջաններէն մին:
