11.09c
Երեվան
ուրբ, նմբ 22
Ս.Դ.Հ.Կ. Լիբանանի Շրջանի Վարիչ Մարմինը խստօրէն կը դատապարտէ տեղի ունեցածը եւ կը գտնէ որ համայն հայութեան համախմբումի և միասնականութեան խորհդրանիշ հանդիսացող Ապրիլ 24-ը քաղաքականացնելու փորձը անարգանք է մեր նահատակներու յիշատակին և միմիայն կը նպաստէ գաղութի պառակտման և միասնականութեան ոգիի ջլատման:
Ս.Դ.Հ.Կ. Լիբանանի Շրջանի Վարիչ Մարմինը նաև կոչ կ’ուղղէ մեր սիրելի հայրենակիցներուն՝ Հայաստանի Հանրապետութեան եւ հայ ժողովուրդի շահերը վեր դասել նեղ-քաղաքական ու հատուածական հաշիւներէ և գործել միասնական ոգիով, յաղթահարելու համար մեր առջեւ ծառացած բոլոր մարտահրաւէրները:
Ստորեւ կը ներկայացնենք ՍԴՀԿ Լիբանանի Շրջանի Վարիչ Մարմնի այսօր հրապարակուած հաղորդագրութիւնը
Լիբանանահայութիւնը այս տարի կրկին մեծ շուքով ոգեկոչեց Հայոց Ցեղասպանութեան 109-րդ յիշատակը, յուսալով որ համագաղութային այս աւանդոյթը անգամ մը եւս կ’ամրապնդէ ողջ հայութեան միասնական ոգին:
Դժբախտաբար սակայն, քայլարշաւի աւարտին Մեծի Տանն Կիլիկիոյ Կաթողիկոսութեան մուտքին, ՀՅԴ ԼԵՄ-ի կողմէ տեղի ունեցաւ օրուան խորհուրդին և ոգիին ոչ յարիր երեւոյթ մը:
Արդարև, այն պահուն երբ Ն.Ս.Օ.Տ.Տ. Արամ Ա. Վեհափառ Հայրապետը իր պատգամը կ’ուղղէր ողջ հայութեան համախմբուելու եւ միասնականութեամբ յաղթահարելու մեր առջեւ ծառացած մարտահրաւէրները, ոմանք կը փորձէին Ապրիլ 24-ի խորհրդանշական օրը ծառայեցնել իրենց քաղաքական յետին նպատակներուն, գլխաւոր ամպիոնէն անյարգալից արտայայտութիւններ ուղղելով և արարք կատարելով Հայաստանի Հանրապետութեան ժողովուրդին կողմէ ընտրուած վարչապետի հասցէին:
Ս.Դ.Հ.Կ. Լիբանանի Շրջանի Վարիչ Մարմինը խստօրէն կը դատապարտէ տեղի ունեցածը եւ կը գտնէ որ համայն հայութեան համախմբումի և միասնականութեան խորհդրանիշ հանդիսացող Ապրիլ 24-ը քաղաքականացնելու փորձը անարգանք է մեր նահատակներու յիշատակին և միմիայն կը նպաստէ գաղութի պառակտման և միասնականութեան ոգիի ջլատման:
Ս.Դ.Հ.Կ. Լիբանանի Շրջանի Վարիչ Մարմինը նաև կոչ կ’ուղղէ մեր սիրելի հայրենակիցներուն՝ Հայաստանի Հանրապետութեան եւ հայ ժողովուրդի շահերը վեր դասել նեղ-քաղաքական ու հատուածական հաշիւներէ և գործել միասնական ոգիով, յաղթահարելու համար մեր առջեւ ծառացած բոլոր մարտահրաւէրները:
