20.09c
Երեվան
ուրբ, ապր 19
Հալէպի մէջ ՀՅԴ Պատանեկան Միութեանց անդամները յարգած են Լիզպոնեան սխրանքի հինգ հերոսներուն յիշատակը։
Այս մասին «Արեւելք» իմացաւ Սուրիոյ ՀՅԴ պատանեկան միութեանց դիմատետրի էջէն, ուր մասնաւորապէս գրուած է ՝ «Կազմակերպութեամբ Սուրիոյ Պատանեկան Միութեան Ընդհանուր Վարիչ Մարմինին Երեքշաբթի, 27 Յուլիս 2021-ին Հալէպի Ազգ. Գերեզմանատան մէջ տեղի ունեցաւ Լիզպոնի գործունէութեան 38-րդ տարելիցի ոգեկոչում։
Նստավայրի մասնաճիւղերու ընկերները յաջորդաբար ներկայացուցին ասմունք, նուագ եւ մեներգ։ Ընթերցուեցաւ Լիզպոնի հինգ «խենթ» տղոց կենսագրականները, ապա արժանապատիւ Տէր Զարեհ քհնյ. Շաքարեան փոխանցեց օրուան պատգամը, որմէ ետք խունկ ու մոմ ծխելով աղօթք բարձրացուցին մեր նահատակներու հոգիներուն համար։
Պատանիները «Ահա այսպէս արշաւեցին» խմբերգով փակ համարեցին օրուան նշումը»։
Յիշեցնենք, որ տարիներ առաջ Լիբանանահայ հինգ երիտասարդներ գրաւեցին Լիզպոնի մէջ Թուրքիոյ դեսպանատունը ու պաշարման ենթարկուելէ ետք օդը հանեցին ու զոհուեցան։
Նահատակ հերոսները այնուհետեւ դարձան իրական փարոսներ հայ ժողովուրդի ազատագրական պայքարի ճանապարհին։
