Գանատա կ՚աջակցի Հայաստանի տարածքային ամբողջականութեան․ Մելանի Ժոլի

Գանատա կ՚աջակցի Հայաստանի տարածքային ամբողջականութեան․ Մելանի Ժոլի

Գանատան կ՚աջակցի Հայաստանի տարածքային ամբողջականութեան։ Այս մասին յայտարարած է Գանատայի Արտաքին գործոց նախարար Մելանի Ժոլին ՀՀ Արտաքին գործոց նախարարի հետ համատեղ ասուլիսին։

Անոր խօսքով՝ Գանատան կանգնած է Հայաստանի ժողովուրդի կողքին՝ աջակցելով անոնց ինքնիշխանութեան եւ անկախութեան։

«Մենք կը հաւատանք ձեր ժողովրդավարական ձգտումներուն եւ պատրաստ ենք այս ուղղութեամբ աշխատանքները խորացնելու։

Կոչ կ՚ընենք Ատրպէյճանի իշխանութիւններուն յարգելու Լեռնային Ղարաբաղէն տեղահանուած հայերու վերադարձի իրաւունքը»,-ըսած է Գանատայի Արտաքին գործոց նախարարը։