11.09c
Երեվան
կրկ, մյս 19
Շրջանային եւ միջազգային տնտեսական ոլորտէն ներս մեծ հռչակվայելով Management Mix ընկերութեան նախագահ, գործարար եւ ձեռներէց Ռաֆֆի Սեմերճեանէն վերահասու դարձանք, որ օրերս Երեւանի մէջ գործող «Նայիրի» բժշկական կեդրոն-հիւանդանոցը ստացած է վստահութեան եւ արդիական գործունէութեան համար տրամադրուող՝ միջազգային ISO 9001:2015 հաւատարմագիրը։
Այս մասին Սեմերճեան կատարած է գրառում մը, որ կը ներկայացնենք ստորեւ՝
«Նայիրի» բժշկական կեդրոնը հաստատակամ է ապահովելու մատուցուող ծառայութիւններու բարձր որակը եւ հիւանդներու գոհունակութիւնը։ Որակի կառավարման միջազգային ISO 9001:2015 չափանիշի ներդրման եւ հեղինակաւոր Joint Commission International (JCI) հաւատարմագրման գործընթացի շրջածիրէն ներս՝ Management Mix ընկերութեան հետ համատեղ բուժհաստատութիւնը ներդրած է որակի կառավարման համակարգ։ Համակարգի համապատասխանութիւնը հաստատուած է TÜV Rheinland գերմանական կազմակերպութեան կողմէ, որ հաւատարմագրուած է գերմանական հաւատարմագրման մարմնի (DAkkS) կողմէ, որ իր հերթին կը հանդիսանայ Միջազգային Հաւատարմագրման համաժողովի (IAF) անդամ։ Կազմակերպութեան միջազգային փորձագէտներու արտաքին հաշուեքննութեան արդիւնքով բուժհաստատութիւնը ստացաւ ISO 9001:2015 չափանիշի համապատասխանութեան վկայական:
