15.88c
Երեվան
կրկ, հնս 28
Պաշտօնապէս կ'ըսեմ, չկայ Ուաշինկթընեան նախագիծ, չկայ արեւմտեան նախագիծ, կայ խաղաղութեան պայմանագրի ատրպէյճանական նախագիծ, որ փոխանցուած է հայկական կողմին, որու վրայ հայկական կողմը աշխատած է այս ընթացքին, աշխատանքները աւարտած են, որու վերաբերեալ առաջիկայ հանդիպման տեղի կ'ունենայ քննարկում։ Այս մասին Հանրային հեռուստատեսութեան՝ Պետրոս Ղազարեանին տուած հարցազրոյցի ժամանակ ըսած է ՀՀ յատուկ յանձնարարութիւններով դեսպան՝ Էտմոն Մարուքեան․
«Այն ինչ Գեղամ Մանուկեանը ԱԺ ամպիոնից պատռում էր, անգամ եթէ ընդունենք, որ դա իրական է, դա հանդիպման ամփոփագիր է, պայմանագրի նախագիծ չէ։ Երբեւէ Գեղամ Մանուկեանը ռիսկ կ'անի պատռել նոյեմբերի 9-ի փաստաթուղթը։
Կայ ռուսական նախագիծ։ Վարչապետն ասել է, որ սեպտեմբերին ներկայացուել է եւ հայկական կողմը համաձայնել է այդ առաջարկներին։ Ռուսական կողմը գիտի, որ դա ընդունելի է հայկական կողմի համար ու անընդունելի ատրպէյճանական կողմի համար։ Հայկական կողմը յոյս է յայտնում, որ Սոչիում ռուսական կողմը կը պնդի եւ կը համոզի ատրպէյճանական կողմին»,- նշած է Մարուքեան։
Էտմոն Մարուքեան ըսած է, որ Ռուսիոյ Դաշնութիւնը կ'առաջարկէ, որ ԼՂ-ի հիմնախնդրի կարգաւորման հարցը յետաձգուի։ Հայկական կողմը դրական արձագանգած է։ Իսկ Արեւմուտքի բանաւոր առաջարկները հետեւեալն են, որ ԼՂ-ի եւ Ատպէյճանի ներկայացուցիչներուն միջեւ ստեղծուի միջազգային մեքենականութիւն եւ անոնց դիտարկման ներքոյ տեղի ունենայ բանակցութիւններ՝ ԼՂ-ի մէջ ապրող հայերու իրաւունքներու, անվտանգութեան, ազատութիւններու հարցերու վերաբերեալ։ Ատրպէյճան համաձայն չէ ոչ առաջինին եւ ոչ երկրորդին։
