27.09c
Երեվան
երք, հնս 03
Ցանել է կոչումդ
Ցանէ' բարիք հունձքի յոյսով
Ցանէ' ջերմ խօսք անկեղծ սիրով
Ցանէ' մաղթանք աղօթելով
Ցանէ' ընդմիշտ կեանքիդ երթով։
Որպէս մշակ գիտակցելով
Հարկ է ցանես հանգիստ խղճով
Տիրոջ խօսքին ականջ տալով
Պիտ սերմանես զուարթ հոգւով։
Ցանէ երկա՜ր ժամանակով
Գուցէ յոգնիս, եւ խորհելով
Թէ չմնաց ուժ ու կորով
Ըսես."Ցանե՞մ տկար ձեռքով"։
Չէ սիրելիս, ցանէ' խաչով
Բայց Յարութեան սուրբ խորհուրդով
Ցանէ այսօր պայքարելով
Նախատօնակ մը նշելով։
Քրիստոսի հետեւելով
Եսի պատէդ դուն դուրս գալով
Պիտի ցանե'ս խօսուն երթով
Սուրբ կոչումիդ տէր կանգնելով։
Խորէն Քհնյ Պէրթիզլեան
