13.09c
Երեվան
ուրբ, մյս 15
Ատրպեճանական զինծառայողները դիտաւորեալ յանցաւոր արարքներով կը հրդեհեն ՀՀ Արարատի մարզի Երասխ գիւղի անմիջական հարեւանութեամբ մարդոց սեփականութեան իրաւունքով պատկանող, ինչպէս նաեւ անոնց անմիջական հարեւանութեամբ հողատարածքները: Այս մասին յայտարարութիւն տարածած է Հայաստանի մարդու իրաւունքներու պաշտպան Արման Թաթոյեանը:
«Ատրպեճանական զինծառայողները դիտաւորեալ յանցաւոր արարքներով հրդեհում են ՀՀ Արարատի մարզի Երասխ գիւղի անմիջական հարեւանութեամբ մարդկանց սեփականութեան իրաւունքով պատկանող, ինչպէս նաեւ դրանց անմիջական հարեւանութեամբ հողատարածքները:
Այսօր ՀՀ մարդու իրաւունքների պաշտպանի աշխատակազմը ահազանգեր է ստացել, որ ատրպեճանական զինուած ուժերը փոքր ու խոշոր տրամաչափի զինատեսակներից կրակոցներ են արձակում Երասխի անմիջական հարեւանութեամբ եւ հենց գիւղի ուղղութեամբ: Գիւղը գտնուում է ատրպեճանական դիրքերից մօտ 1 քմ հեռաւորութեան վրայ:
Ատրպեճանական զինուած ուժերի կրակոցները կոպիտ կերպով խախտում են Երասխ եւ յարակից գիւղերի բնակիչների իրաւունքները:
Հրդեհների պատճառով Երասխ եւ յարակից գիւղերի բնակիչները չեն կարողանում բնականոն գիւղատնտեսական աշխատանքներ իրականացնեն: Դրանից բացի, կրակոցներն ու հրդեհները խաթարել են մարդկանց խաղաղ եւ բնականոն կեանքը Երասխում յատկապէս»,-ըսուած է յայտարարութեան մէջ:
