9.09c
Երեվան
շբթ, ապր 05
Թուրքիոյ արտաքին գործոց նախարար Մեւլուտ Չաւուշօղլու, Ռազմավարական ծրագրումի ռուս-թրքական միացեալ խումբի 5րդ նիստին ընթացքին, որուն մասնակցած է նաեւ Ռուսիոյ անոր պաշտօնակից Սերկէյ Լաւրովը, յայտարարած է, թէ Թուրքիա յարգանքով կ՛ընկալէ Արցախի տագնապը կարգաւորելու Ռուսիոյ կամքը. այս մասին կը գրէ թրքական «Հիւրրիյէթ» թերթը:
Յիշեցնենք, որ ռուս-թրքական ճգնաժամէն ետք, Լաւրով Դեկտեմբեր 1ին առաջին անգամ ըլլալով Թուրքիա այցելած է, մասնակցելու համար նշեալ նիստին։
Հանդիպումէն ետք տեղի ունեցած համատեղ մամլոյ ասուլիսին ընթացքին, Չաւուշօղլու տեղեկացուցած է, որ իր ռուս գործընկերոջ հետ քննարկած է երկկողմանի յարաբերութիւնները, ինչպէս նաեւ տարածաշրջանային շարք մը խնդիրներ, ներառեալ՝ Լեռնային Ղարաբաղի հակամարտութիւնը: Չաւուշօղլու ըսած է. «Եթէ Ռուսիա եւ Թուրքիա համագործակցին, ապա շատ հարցեր իրենց լուծումը կրնան գտնել: Ես տեղեկատուութիւն տրամադրեցի Կիպրոսի վերջին զարգացումներուն մասին: Այդ հարցին մէջ Ռուսիոյ աջակցութիւնը կարեւոր է: Ռուսիա ջանքեր կը գործադրէ Արցախի տագնապին եւ առհասարակ Ատրպէյճանի ու Հայաստանի միջեւ առկայ խնդիրներու լուծման ուղղութեամբ: Մենք կ՛ողջունենք այդ ջանքերը եւ կը սատարենք անոնց: Պատրաստ ենք կատարելու նաեւ մեր ներդրումը»:
