12.09c
Երեվան
երք, մրտ 11
Ստեփանակերտի հանրապետական հիւանդանոցի բուժքոյրերէն մէկը Մոսկուայէն Երեւան ժամանելէն ետք ձերբակալուած է «Զուարթնոց» օդակայանին մէջ։ Այդ մասին դիմատետրի իր էջին գրած է փաստաբան Ռոման Երիցեանը։
«2023 թուականի սեպտեմբերին ՀՀ Կառավարութեան շէնքի դիմաց կազմակերպուած հաւաքներին մասնակցելու պատճառով այսօր Զուարթնոց օդանաւակայանում ձերբակալուել է Մոսկուայից Երեւան ժամանած արցախցին։
Այժմ պարզաբանում եմ, որ նշածս փաստերի հիման վրայ ՀՀ քննչական կոմիտէի յատկապէս կարեւոր գործերի քննութեան գլխաւոր վարչութիւնում ՀՀ քրէական օրէնսգրքի 327-րդ յօդուածով (զանգուածային անկարգութիւններ) նախաձեռնուել է քրէական վարոյթ։ Նշուած վարոյթի շրջանակում արցախացի կնոջ մեղադրանք է առաջադրուել խմբի կազմում խուլիգանութիւն կատարելու համար, որը, բնականաբար, վերջինս չի ընդունել։
Մեղադրեալին կալանաւորելու միջնորդութիւնը դատարանը մերժել է՝ պայմանաւորուած հիմքերի բացակայութեամբ, իսկ այժմ էլ նրա նկատմամբ ընտրուած է բացակայելու արգելք խափանման միջոցը։
Մեղադրեալը զոհուած զինծառայողի դուստր է, ով 2023 թուականի հոկտեմբերից ընտանիքի, այդ թւում՝ անչափահաս երեխաների հետ բնակւում ու աշխատում է ՌԴ-ում։ Այսօր վերջինս Հայաստան էր ժամանել պապիկի յուղարկաւորութեանը մասնակցելու նպատակով։ Առաջադրուած մեղադրանքի եւ կիրառուած խափանման միջոցի պատճառով առնուազն մինչեւ գործը դատարան հասնելը վերջինս ստիպուած է լինելու չբացակայել Հայաստանի Հանրապետութիւնից»,- գրած է ան։
