1.09c
Երեվան
հնգ, փտր 12
«Aeroflot»ի մօտ 500 ուղեւոր, որոնք մինչ այդ չէին կրնար թռչիլ Սթամպուլէն եղանակային պայմաններու պատճառով, վերադարձած են Մոսկուա: Այս մասին տեղեկացուցած է օդանաւային ընկերութեան մամուլի ծառայութիւնը:
«Անցեալ գիշեր «Aeroflot»ի երկու թռիչքով օդանաւային ընկերութեան բոլոր ուղեւորները, որոնք չէին կրնար թռչիլ Սթամպուլէն ուժեղ ձիւնի պատճառով, վերադարձած են Մոսկուա: Մօտ 500 մարդ», կ'ըսուի հաղորդագրութեան մէջ:
Բայց մինչ բարեյաջող թռիչքները` երկու օր ռուսաստանցի զբօսաշրջիկները անցած են Սթամպուլի օդակայանի դժոխքի բոլոր 9 պարունակներով: Եօթը ժամ ուղեւորները չեն կրցած դուրս գալ օդանաւէն. Սթամպուլի օդակայանին մէջ աստիճան չեն տուած: Եւ սա մէկն է փորձութիւններու շարքին մէջ:
Ոմանք ստիպուած էին քնանալ գետինը` տակը հագուստ փռելով, գլխուն տակ պայուսակ դնելով: Ճաշարաններէն, խանութներէն եւ սպասարկման սարքերէն ուղեւորները արդէն գն'ածլ էին ամբողջ ջուրն ու ուտելիքը: Ուղեւորներէն մէկը կը պատմէ, որ Սթամպուլի օդակայանի աշխատակիցներէն որեւէ օգնութիւն, նոյնիսկ բժշկական, չէ եղած: «Սարսափելի գլխացաւ ունեցայ, գացի բուժկէտ, խնդրեցի պարզապէս ճնշումս չափել, ըսին` վճարովի է, 12 լիրա, այդ մօտաւորապէս 70 ռուպլի է: Ըսի` կատա՞կ կ'ընէք: Ըսին` ոչ», պատմած է ան:
«Ոչ մէկ պայման տրամադրեցին: Օդակայանին մէջ շատ ցուրտ էր, մեզի նոյնիսկ ծածկոցներ չտուին», պատմած է այլ ուղեւոր մը:
