15.09c
Երեվան
երք, մյս 05
Միացեալ Նահանգներ կը նախատեսէ իրականացնել զինեալներու տեղափոխում Ռուսիա եւ Անկախ Պետութիւններու Համագործակցութեան (ԱՊՀ) երկիրներ՝ դիւանագէտներու, պետական ծառայողներու, անվտանգութեան աշխատակիցներու եւ զինուորականներու դէմ ահաբեկչութիւններ իրականացնելու համար։ Այս մասին յայտնած է Ռուսիոյ Դաշնութեան արտաքին հետախուզութեան ծառայութիւնը։
«Արտաքին հետախուզութեան ծառայութեան ստացած հաւաստի տեղեկութիւններու համաձայն՝ Միացեալ Նահանգներու զինուորականները աշխուժօրէն զինեալներ կը հաւաքագրեն «Իսլամական պետութեան» եւ «Ալ Քաիտա»-ի հետ կապուած ջիհատական խմբաւորումներէն՝ Ռուսիոյ եւ Անկախ Պետութիւններու Համագործակցութեան (ԱՊՀ) երկիրներու մէջ ահաբեկչութիւններ իրականացնելու համար։
Առանձնայատուկ ուշադրութիւն կը դարձուի Ռուսիոյ Հիւսիսային Կովկասէն եւ Կեդրոնական Ասիայէն եկած անձանց համագործակցութեան ներգրաւման»,- ըսուած է Արտաքին հետախուզութեան ծառայութեան յայտարարութեան մէջ, որ կը մէջբերէ ՌԻԱ «Նովոստի»-ն։
Ծառայութեան տուեալներով՝ յունուարին այդ նպատակով ընդհանուր առմամբ ընտրուած է 60 զինեալ, որոնք կը վերապատրաստուին Սուրիոյ Հոմս նահանգի մէջ գտնուող միջազգային դաշինքի Ալ-Թանֆ ռազմակայանին մէջ։ Անոնք բոլորն ալ Մերձաւոր Արեւելքի մէջ հակամարտութիւններու մարտական փորձ ունին։ Ահաբեկիչներուն կը սորվեցնեն ինքնաշէն պայթուցիկ սարքեր պատրաստելու եւ օգտագործելու հմտութիւններ եւ ներթափանցման գործողութիւններու մեթոտներ: Անոնց նաեւ կը սորվեցնեն յարձակումներ ծրագրել պաշտպանուած կառոյցներու, այդ շարքին՝ օտարերկրեայ դիւանագիտական ներկայացուցչութիւններու վրայ, ըսած է Ռուսիոյ Դաշնութեան արտաքին հետախուզութեան ծառայութիւնը:
