image
Հրատապ լուրեր:

2022-ին Հայաստան ժամանած է 108-110 հազար ռուսաստանցի. Քերոբեան

2022-ին Հայաստան ժամանած է 108-110 հազար ռուսաստանցի. Քերոբեան

2022 թուականին Հայաստան տեղափոխուած է 108-110 հազար ռուսաստանցի. այդ մասին «Վետոմոսթի»-ին ըսած է ՀՀ տնտեսութեան նախարար Վահան Քերոբեանը։ Ան աւելցուցած է, որ Հայաստան ժամանած ռուսաստանցիները մնացած են Հայաստան։

Քերոբեանի տուեալներով՝ 2022-ին Հայաստանի մէջ գրանցուած է 2 500 Սահմանափակ պատասխանատւութեամբ ընկերութիւն (ՍՊԸ)՝ ռուս մասնակիցներով, ինչպէս նաեւ 4 000 անհատ ձեռնարկատէր։ Յաճախորդներու միջոցներու լրացուցիչ ներհոսքը հայկական դրամատնային համակարգ նախարարը գնահատած է 3 միլիառ տոլարի չափով, որ թոյլ տուած է ապահովել համախառն ներքին արժէքի (ՀՆԱ) աճի մոտաւորապէս մէկ քառորդը։

«Այսինքն, համախառն ներքին արժէքի (ՀՆԱ) աճի 12,6 տոկոսից աւելի քան 3 տոկոսը ապահովել են տեղափոխուածները»,- յայտնած է Քերոբեան։

Նախարարը նաեւ նշած է, որ Ռուսիան ու Հայաստանը ամբողջութեամբ հրաժարած են տոլարով ու եուրոյով հաշուարկներէն։ Ռուբլին, անոր գնահատմամբ, շատ տատանող է, հետեւաբար, հայկական դրամը ներկայիս աւելի նախընտրելի է, բայց երկկողմ առեւտուրին մէջ ատոր կիրառման ներուժը սահմանափակ է։