22.09c
Երեվան
շբթ, մյս 09
Միացեալ Նահանգներու մէջ մեծ վարկ ունեցող The Washington post պարբերականը իր վերջին խմբագրականով կարեւոր հարցազրումներ կատարած է կապուած Միացեալ Նահանգներ-Իրան վերջին սրացումներուն մասին։
Թերթը նկատել տուած է, որ տակաւին շատ վաղ է խօսիլ այն մասին, որ Ամերիկան կարողացաւ յաղթել Իրանին։
Աղբիւրը նաեւ նկատել տուած է, որ ԱՄՆ նախագահ Տանըլտ Թրամբի երէկ կատարած յայտարարութիւնները անհիմն են, յատկապէս որ ԱՄՆ-ի Մերձաւոր Արեւելքի կարեւոր գործընկերներուն մեծ մասը կտրականապէս դէմ են Իրանի հետ մեծ պատերազմի երթալու։
Թերթը նկատել տուած է, որ Իրանի հետ հարցերը կարգաւորելու միակ ճիշդ ճանապարհը բանակցութիւններու վերսկսումն է եւ այդ կերպ կարելի պիտի ըլլայ շրջանը փրկել ընդհանուր մեծ քաոսէ։
Իր վերջին մասով թերթը կարեւոր շեշտադրում մը կատարելով եզրակացուցած է, որ այսօր Մերձաւոր Արեւելքի մէջ տիրող ընդհանուր անկարգութեան մեծագոյն պատճառն այն է, որ Թրամբի վարչամեքենան այդ շրջանին համար լուրջ եւ ուսումանսիրուած ծրագիր մը չունի, որուն հետեւանքով ալ նման սրացումներն ու տագնապները սկսած են աւելիով աճիլ։
Ամերիկեան աղբիւրին կարծիքով, երէկ տեղի ունեցած զարգացումներէն ու Թրամբի խօսքէն ետք ամերիկացիք հազիւ թէ կարողացած են շունչ մը քաշել վստահ ըլլալով, որ շրջանին մէջ մեծ պատերազմ մը տեղի պիտի չունենայ։
