14.09c
Երեվան
հնգ, հկտ 15
Թուրքիոյ նախագահ Ռեճեփ Թայիփ Էրտողան յայտարարած է, Քաթարը ո՛չ միայն բնական պաշարներով հարուստ երկիր պէտք է նկատել, այլեւ վերջին շրջանին իսլամական աշխարհին մէջ սկսած ճգնաժամի ու բախումներու լոյսին տակ անկողմնակալ ու փայլուն քաղաքական դիրք գրաւած երկիր: Այս մասին կը յայտնէ թրքական «Haberler» կայքը, նշելով, որ Էրտողանի համաձայն, Սուրիոյ ընդդիմութիւնը` վարչակարգի եւ Տահէշի դէմ տարած դիմադրութիւնը կը պարտի Թուրքիոյ եւ Քաթարին, «Եթէ չըլլար Թուրքիոյ եւ Քաթարի աջակցութիւնը, Սուրիոյ ընդդիմադիրները երբեք պիտի չկարենային դիմադրել Ասատի վարչակարգին ու Տահէշին», ըսած է ան:
Աղբիւրը կը տեղեկացնէ նաեւ, որ Էրտողան քաթարեան տագնապի լուծման նպատակով՝ Ֆրանսայի նախագահի եւ Քաթարի իշխանին հետ եռակողմ հանդիպում կազմակերպելու մասին յայտարարութիւն ըրած է:
