16.09c
Երեվան
երք, հկտ 20
Իսրայէլեան պաշտօնական երկրորդ հեռուստակայանը ձայնային հաղորդագրութիւն մը հրապարակած է, որ կ'ըսուի, թէ վարչապետ Նաթանիահուի որդիին՝ Եաիրի խօսքն է, ուղղուած կազի արտադրութեամբ զբաղող խոշոր ընկերութիւններէն մէկուն սեփականատիրոջ որդիին:
Ձայնագրութեան մէջ Եաիր կ'ըսէ. «Հայրս հօրդ համար 20 միլիոն տոլար ապահոված է, իսկ դուն հետս 400 շաքելի սակարկութի՞ւն կ'ընես»:
Աղբիւրին փոխանցմամբ, ձայնագրութիւնը կատարուած է 2015 թուականին, երբ վերջիններս իրենց ընկերներուն հետ գիշերային ակումբներէն մէկէն դուրս եկած կը զրուցէին:
Ձայնագրութեան մէջ զրոյցի մասնակիցները անդրադարձած են նաեւ նշուած երեկոյի ընթացքին մերկապարուհիներու վրայ իրենց ծախսած գումարներու չափին:
Նշենք, որ ընկերային կայքերու էջերուն Եաիրի կատարած ոչ պատշաճ մեկնաբանութիւնները բուռն քննադատութեան ենթարկուած են լրատուամիջոցներու կողմէ:
