8.96c
Երեվան
երկ, ապր 20
«Ասպարէզ»էն կը կարդանք, թէ Միացեալ Նահանգներու Հանրային հարցերու հրէական խորհուրդը (Jewish Council for Public Affairs) կոչ ըրած է Ուաշինկթընի իշխանութիւններուն, որ Համաշխարհային Ա. պատերազմին ընթացքին թուրքերու կողմէ կատարուած հայերուն կոտորածները ճանչնան իբրեւ ցեղասպանութիւն։ Յատկանշական է, որ խորհուրդը տարիներ շարունակ Հայոց Ցեղասպանութեան հարցէն նրբօրէն խուսափիլ փորձած է:Հրէական խորհուրդը անցեալ շաբթուան իր տարեկան ժողովին ընթացքին նաեւ կոչ ըրած է հրէական կազմակերպութիւններուն՝ Գոնկրէսի եւ Սպիտակ տան շրջանակներուն մէջ աշխատանք տանելու, որպէսզի անոնք պաշտօնապէս ճանչնան Հայոց Ցեղասպանութիւնը: Խորհուրդի խօսնակը Չորեքշաբթի, Հոկտեմբեր 21ին հաստատեց, որ բանաձեւը խորհուրդին կողմէ Հայոց Ցեղասպանութիւնը ճանչնալու առաջին փաստն է:Շարք մը հրէական կազմակերպութիւններ մինչեւ վերջերս դէմ եղած են Հայոց Ցեղասպանութեան ճանաչման հարցին՝ տարածաշրջանին մէջ Իսրայէլի կարեւոր դաշնակից նկատուող Թուրքիան չնեղացնելու համար:
