17.09c
Երեվան
չրք, ապր 29
Հալէպի իրադրութիւնը կը շարունակէ մնալ ծանր եւ մտահոգիչ: Այս մասին «Արեւելք» տեղեկութիւն ստացաւ Հալէպի իր աղբիւրէն: Մեր աղբիւրին փոխանցմամբ, երէկ կէսգիշերէն ետք ահաբեկչական խմբաւորումներու կատարած հրթիռարձակումներուն հետեւանքով փուլ եկած են երկու շէնքեր: Շէնքերուն մէկուն մէջ քաղաքացի մը ծանրօրէն վիրաւորուած ու մահացած է, մինչ անոր քոյրը փոխադրուած է եւ մինչեւ այս պահը կը գտնուի հիւանդանոցային խնամքի տակ: Մահացած երիտասարդը կը կոչուի Էլիաս Սաքքալ: Նշենք, որ փուլ եկած առաջին շէնքը կը գտնուի Հալէպի Վիլլաներու շրջան («Իսլահ զիրահի շէնքի դիմաց) (լուսանկարը), իսկ երկրորդը ՝ Թէլէֆոն Հաուաի շրջան («Զաքի Ալ Արսուզի» վարժարանի կից գտնուող շէնք): Վերջին օրերուն Հալէպի տարբեր շրջաններ սկսած են թիրախ դառնալ ահաբեկիչներու կրակներուն: Քաղաքը կը շարունակէ զրկուած մնալ ելեքդրականութիւնէ եւ ջուրէ:
