12.09c
Երեվան
ուրբ, հկտ 03
Օրեր առաջ պատերազմի հետեւանքով վնասուած շէպք մը փուլ եկած է Հալէպի Սալիհին շրջանին մէջ, մահացած է կին մը եւ վիրաւորուած ամուսինը: Այս մասին կը հաղորդէ «Ալ Խապար» կայքը:
Չորս յարկանի շէնքը, բացի որ հին էր, նաեւ պատերազմի բերումով յաճախակի հարուածներու ենթարկուած էր: Սակայն փլուզումի հիմնական պատճառը, ըստ թաղի բնակիչներուն, հինգերորդ յարկի մը կառուցումն էր:
նշենք, որ այս դէպքէն մէկ ամիս առաջ, Քարըմ Քաթըրճի շրջանին մէջ, փլատակ դարձած էր ուրիշ հին շէնք մըն ալ:
Այս փլուզումներու շարանը սկսած է 2019-ի յունուարին, Սալիհին շրջանէն, ուր զոհուած էր կին մը: Ապա շարունակուած այլ շրջաններ՝ Սալահ Ալ Տին, Ալ Մաատի, Ալ Ֆարտոս: Զոհերուն ընդհանուր թիւը հասած է 29-ի՝ ներառեալ մանուկներու, նաեւ արձանագրուած են 14 վիրաւորներ:
Ի դէպ, Հալէպի արեւելեան շրջանի մէջ անօրէն կերպով կառուցուած այս շէնքերը, որոնք պատերազմի ընթացքին գտնուած էին ահաբեկիչ խմբաւորումներու իշխանութեան տակ, այժմ ենթակայ են կործանումի վտանգին:
Հալէպի ամբողջական ազատագրումէն ետք, այս շրջաներու շէնքերուն յաճախակի փլուզումներուն ի տես, կառավարութիւնը կազմած է մասնագիտացած յանձնաժողով մը, հետեւելու նշեալ կառյցներու ապահովութեան ու պիտանիութեան, յաւելեալ ողբերգութիւններու առաջքը առնելու նպատակով։
