20.09c
Երեվան
երք, մյս 05
Անձնասպանական պայթում մը գրանցուած է Գամիշլիի Գուաթլի թաղամասին մէջ: Այս մասին «Արեւելք» տեղեկութիւն ստացաւ Գամիշլիի իր աղբիւրէն: Մեր աղբիւրը նաեւ յայտնեց, որ անձնասպան մը ինքզինք պայթեցուցած է «Գանատի» պարտէզին մօտ գտնուող անցարգելային կէտի մը վրայ: Ըստ AFP-ի, պայթումը գործադրուած է Տահէշ ահաբեկչական խմբաւորման կողմէ, պայթումին հետեւանքով զոհուած են 3 անձեր: Ըստ նախնական տուեալներու, անձնասպանը նպատակ ունէր ներխուժել այն սրահը, ուր ասորի համայնքի անդամներ ոգեկոչման միջոցառում կը կատարէին: Միջոցառման նաեւ մասնակցած են Գամիշլիի հայկական համայնքի ներկայացուցիչներ եւ կրօնաւորներ: Նշենք, որ ասորիներու Իգնատիոս Բ.Եփրեմ Պատրիարք այսօր հովուական այցով կը գտնուէր Գամիշլի եւ իր հովանաւորութեամբ կատարուած էին ոգեկոչման միջոցառումներ ու այս առթիւ կանգնեցուած էր խաչքար մը՝ Ասորի զոհերու յիշատակին: Կացութիւնը Գամիշլիի մէջ կը շարունակէ մնալ լարուած:
