9.67c
Երեվան
հնգ, ապր 23
Ամիսներէ ի վեր լիբանանցի գերեվարուած 16 զինուորները վաղը ազատ պիտի արձակուին: Այս մասին առաջին լուր փոխանցողը եղաւ «Ալ Մայատին» կայանը,որ նաեւ հաղորդեց, թէ, «Ալ Նըսրա» խմբաւորման մօտ գտնուող զինուորները ազատ պիտի արձակուին խմբաւորման եւ կառավարութեան միջեւ կայացուած համաձայնութեան մը հիմքով: Աղբիւրը նաեւ ըսաւ, որ զինուորները շատ հաւանաբար յառաջիկայ ժամերուն կրնան Պէյրութ ժամանել նկատել տալով, որ անոնց ազատ արձակումը կրնայ յետաձգուիլ մինչեւ Շաբաթ առաւօտ: Կը հաղորդուի, որ զինուորներու ազատ արձակման դիմաց վարչապետ Սալամի կառավարութիւնը համաձայն եղած է ազատ արձակել Ռումիյէի բանտին մէջ գտնուող տասը իսլամիստներ: Նշենք, որ լիբանանեան բանակի զինուորները գերի ինկած էին շուրջ մէկ տարի եւ հինգ ամիս առաջ Սուրիոյ սահմանին մերձ եղող Արսէլ շրջանին մէջ: Յիշեցնենք, որ բանակի զինուորներու այլ խումբ մը գերեվարուած կը մնայ Տահէշ (ISIS) հետ:
