Ռուսիոյ Պաշտպանութեան նախարարութիւնը յայտարարած է, որ Սուրիոյ բանակը ռուսական օդուժի օժանդակութեամբ յաջողած է խափանել ԱՄՆ-ի ենթակայ Ալ Թանֆ շրջանէն Փալմիրայի վրայ զինեալներ խմբաւորումներու ծրագրած յարձակման փորձը:
«ԹԱՍՍ» լրատուական կայքին փոխանցմամբ, յարձակման փորձը կատարուած է երկուշաբթի առաւօտեան, ժամը 4-ին, երբ զինեալ ահաբեկիչները Ալ Թանֆէն Փալմիրա փորձած են մտնել:
Բախման արդիւնքով 5 զինեալներ սպաննուած են:
Աղբիւրին համաձայն, ԱՄՆ ուժերու ապօրինի ռազմակայան հանդիսացող Ալ Թանֆ շրջանը զինեալ ահաբեկիչներու մատակարարման կէտ դարձած է, ուրկէ պարբերաբար յարձակման փորձեր կը կատարուին Սուրիոյ բանակի տիրապետութեան տակ գտնուող շրջաններու ուղղութեամբ: