7.09c
Երեվան
շբթ, ապր 26
Ուքրանիոյ նախագահ Վլատիմիր Զելենսքին շաբաթ օր հրամանագիր ստորագրած է, որուն համաձայն՝ երկրի իշխանութիւնները պատժամիջոցներ կիրառած են RT հեռուստաալիքի գլխաւոր խմբագիր՝ Մարկարիթա Սիմոնեանի, «Россия Сегодня» (Russia Today) լրատուական գործակալութեան գլխաւոր տնօրէն Տմիթրի Քիսելեովի եւ եւս 117 այլ անձանց նկատմամբ։
Բացի Սիմոնեանէն եւ Քիսելեովէն, պատժամիջոցներու ենթարկուածներու ցանկին վրայ են նաեւ ռեժիսոր Նիքիթա Միխալքովը, երգիչ Ֆիլիփ Քիրքորովը, օփերայի երգչուհի Աննա Նեթրեպքոն, արուեստագէտ Եւգենի Պետրոսեանը, փիլիսոփայ Ալեքսանտր Տուկինը, երգիչ Սերգէյ Լազարեւը։
Պատժամիջոցները, ի թիւս այլ բաներու, կը ներառեն հաշիւներու արգելափակում, տնտեսական եւ ֆինանսական պարտաւորութիւններու կասեցում, մշակութային փոխանակումներու եւ համագործակցութեան դադրեցում, Ուքրանիա մուտքի արգելում, ուքրանական պետական պարգեւներէ զրկում եւ այլն։ Այս սահմանափակումները պէտք է ուժի մէջ ըլլան 10 տարի:
