11.09c
Երեվան
ուրբ, հկտ 10
ԱՄՆ նախագահ Տանըլտ Թրամփ CNN հեռուստաալիքին տուած հարցազրոյցին մէջ յայտարարած է, որ պաղեստինեան «Համաս» խմբաւորումը պիտի ենթարկուի «լիակատար ոչնչացման», եթէ չհրաժարի իշխանութենէն եւ Կազայի վերահսկողութենէն, քանի որ ինք կը փորձէ իրականացնել իր ծրագիրը՝ ուղղուած Կազայի հակամարտութեան դադրեցման, կը հաղորդէ CNN-ը։
Հարցին ի պատասխան՝ արդեօք Իսրայէլի վարչապետ Բենիամին Նաթանիահուն համաձայն է Կազայի ռմբակոծումներու դադրեցման եւ կ՚աջակցի ԱՄՆ-ի աւելի ընդարձակ տեսլականին՝ Թրամփ պատասխանած է. «Այո, ինչ կը վերաբերի Պիպիին»։
Հարցազրոյցի ընթացքին Թրամփ աւելցուցած է, որ կը սպասէ շուտով պարզել՝ արդեօք «Համաս»-ը կը ձգտի խաղաղութեան։
Աւելի վաղ Թրամփ կոչ ըրած էր Իսրայէլին՝ անյապաղ դադրեցնելու Կազայի ռմբակոծումները՝ նշելով, թէ «Համաս»-ը պատրաստ է խաղաղութեան։
Աւելի ուշ յայտնի դարձած է, որ Կազայի շուրջ «Համաս»-ի եւ Իսրայէլի միջեւ անուղղակի բանակցութիւնները տեղի պիտի ունենան Երկուշաբթի՝ Եգիպտոսի մէջ։
