17.88c
Երեվան
հնգ, ապր 23
Միացեալ Նահանգները կրնայ ուժ կիրառել Իրանի դէմ որպէս «վերջին միջոց», եթէ Գործողութիւններու համատեղ համապարփակ ծրագրի շուրջ բանակցութիւնները ձախողին: Այս մասին յայտարարած է ԱՄՆ նախագահ Ճօ Պայտըն Իսրայէլի 12-րդ ալիքին տուած հարցազրոյցի ժամանակ։
«Որպէս վերջին միջոց՝ այո՛»,- ըսած է ԱՄՆ նախագահը Իրանի միջուկային զէնք ձեռք բերելը կանխելու համար ուժի կիրառման հնարաւորութեան մասին՝ լրագրողի հարցին ի պատասխան։
Ան նաեւ հաստատած է, որ ԱՄՆ-ը մտադիր է Իսլամական յեղափոխութեան պահապաններու զորախումբը պահել ահաբեկչական կազմակերպութիւններու ցուցակին մէջ, նոյնիսկ եթէ այդ մէկը խաթարէ գործարքը։
