17.09c
Երեվան
ուրբ, մյս 15
Վրաստանի իշխող «Վրացական երազանք» կուսակցութիւնը քաղաքի խորհուրդի նիստէն ետք յայտարարեց առաջիկայ տեղական ինքնակառավարման մարմիններու ընտրութիւններուն քաղաքապետներու թեկնածուները: Իշխող կուսակցութեան նախագահ Իրաքլի Քոպախիձէի յայտարարութեամբ` Նինոծմինտայի քաղաքապետարանի քաղաքապետի պաշտօնին առաջադրուած է գործող քաղաքապետ՝ Անիվարդ Մոսոյեանի թեկնածութիւնը: Այս մասին յայտնած է Aliq.ge-ն։
Անիվարդ (Անի) Մոսոյեան ծնած է 1974-ին Պոկտանովքա: 1991-ին աւարտած է թիւ 2 միջնակարգ դպրոցը: 1996-ին աւարտած է Երեւանի Տնտեսական-իրաւաբանական հիմնարկի հոգեբանութեան ֆակուլտետը: 2000-ին աւարտած է Թիֆլիսի Կայնաթիի համալսարանի հոգեբանութեան եւ վրացերէն լեզուի բաժինը:
1994-էն ի վեր աշխատած է Նինոծմինտա քաղաքի թիւ 3 դպրոցը` որպէս վրացերէն լեզուի ուսուցիչ, 2008 – 2009 թուականներուն նոյն դպրոցի տնօրէնը եղած է։ 2009-2011 թոականներուն Նինոծմինտայի քաղաքապետարանի Ռեսուրս կեդրոնի տնօրէն եղած է:
2014 -ին եղած է Նինոծմինտայի քաղաքապետարանի սակրեպուլոյի (Շրջանային ժողով) պատգամաւոր: Կը տիրապետէ հայերէնին, վրացերէնին եւ ռուսերէնին: Ամուսնացած է, ունի մէկ որդի եւ մէկ դուստր:
2017-էն ի վեր Անիվարդ Մոսոյեան գրաւած է Նինոծմինտայի քաղաքապետարանի քաղաքապետի պաշտօնը: Աւելի վաղ «Վրացական երազանք – ժողովրդավարական Վրաստան» կուսակցութիւնը ներկայացուցած է Ախալքալաքի քաղաքապետի թեկնածուն:
Քաղաքապետի պաշտօնի համար իշխող կուսակցութենէն կը պայքարի Ախալքալաքի Սակրեպուլոյի գործող պատգամաւոր՝ Մելքոն Մակարեան:
