Հրեաները, որոնք կը քուէարկեն դեմոկրատներու օգտին, «կ՚ատեն Իսրայէլը եւ իրենց կրօնը», այդպիսի պահուածքը «սրբապղծութիւն է»: Այս մասին ԱՄՆ նախկին նախագահ Տանըլտ Թրամփ յայտարարած է պահպանողական պլոկըր Սեպասթիան Կորքայի հետ հարցազրոյցի ժամանակ, գրած է Politico թերթը։
«Ես իսկապէս կը կարծեմ, որ անոնք կ՚ատեն Իսրայէլը: Որեւէ հրեայ, որ ձայն կու տայ դեմոկրատներուն, կ՚ատէ իր կրօնը... անոնք կ՚ատեն Իսրայէլի վերաբերեալ ամէն ինչ եւ պէտք է ամչնան իրենք իրենցմէ, քանի որ Իսրայէլը պիտի կործանուի»,- ըսած է նախկին նախագահը։
Սպիտակ տունը, մեկնաբանելով Թրամփի ըսածը, այդ որակած է «թունաւոր», իսկ նախագահ Ճօ Պայտընի նախընտրական շտաբը Թրամփը մեղադրած է «աճող հակասեմականութեան ժամանակաշրջանին հրեայ ամերիկացիներու վրայ յարձակելու մէջ»:
«Միակ մարդը, որ պէտք է այստեղ ամչնայ, Տանըլտ Թրամփն է», -ըսած է Պայտըն շտաբի խօսնակ Ճէյմս Սինկըրը։