19.23c
Երեվան
կրկ, ապր 27
82 տարեկանին ծանր հիւանդութենէ յետոյ մահացած է գրող, բանաստեղծ, այլախոհ եւ ԽՍՀՄ նախկին քաղաքական բանտարկեալ, «Եօթ հայրենասէրներ» կազմակերպութեան անդամ Մերուժանը (Մերուժան Յովհաննիսեան):
Հակախորհրդային գործունէութեան համար Մերուժանը դատապարտուած է ընդհանուր 22 տարուայ ազատազրկման, կալանավայրերու մէջ անցուցած է 15 տարի, որու զգալի մասը` Վլատիմիրի եւ Նորիլսքի մահուան գաղութներուն մէջ` անմարդկային պայմաններու մէջ:
«Վլատիմիրի բանտում» յուշագրութեան մէջ Մերուժանը գրած է, թէ ովքեր եղած են իր հետ. օփերային անուանի երգիչներէն մէկը` Ալեքսանտր Միրլասը, բնագէտ Վլատիմիր Քրաուքլիսը, իսկ անոր բանաստեղծութիւններու առաջին ժողովածուի հրատարակիչը Վահագն Դաւթեանն էր, որ այդ ժամանակ Սփիւռքի հետ կապերու կոմիտէի նախագահի առաջին տեղակալն էր:
Վերջին շարքը «Հատընտիր»ն էր`«Զարկերակ», «Հանգոյց», «Վարագոյր» առանձին գիրքերով:
