11.09c
Երեվան
շբթ, մյս 02
Թունուզի նախագահ Քայս Սըհայէտ վարչապետ Նաժլա Պուտընի հետ հանդիպման ժամանակ ըսած է, որ խորհրդարանական ընտրութիւնները տեղի պիտի չունենան յառաջիկայ երեք ամիսներու ընթացքին:
Սըհայէտ յաւելեց. «Երէկ խօսեցան ընտրութիւններու 3 ամսուայ մասին` համաձայն 89-րդ յօդուածի (սահմանադրութեան), ես չեմ գիտեր, թէ ուրկէ անոնք բերած են այդ օրէնքը»:
Սըհայէտ աւելի վաղ ըսած էր, որ յանձնաժողով պիտի ձեւաւորէ Սահմանադրութիւնը վերաշարադրելու համար, որ հանրաքուէի պիտի դրուի Յուլիսին, իսկ յետոյ Դեկտեմբերին պիտի կայացնէ խորհրդարանական ընտրութիւններ:
Միաժամանակ, Ազատ սահմանադրական կուսակցութեան ղեկավար Ապիր Մուսան ըսած է. «Սըհայէտը սահմանադրութեամբ այլ ընտրութիւն չունի, եւ ան պէտք է ընտրութիւններ հրաւիրէ 3 ամսուայ ընթացքին»:
Իր հերթին, «Ալ Նահտա» շարժման ղեկավար Ռաշիտ Ղաննուշին ըսած է, որ «շարժումը կը մերժէ Սըհայէտի կողմէ խորհրդարանը ցրելու քայլը եւ պիտի պոյքոթէ օրեւէ հանրաքուէ, որ կոչ կ'ընէ միակողմանիօրէն վերակառուցելու քաղաքական համակարգը»:
Միւս կողմէ, Թունուզի Ընդհանուր աշխատաւորական միութիւնը ողջունեց խորհրդարանի լուծարումը, ըսելով. «Կարիք չկայ գործերը սառած խորհրդարանը շարունակելու»:
