7.09c
Երեվան
երք, փտր 24
Այսօր՝ 29 մայիսի առաւօտեան, թրքական լիրան կտրուկ անկում գրանցած է այն լուրերէն ետք, երբ Թուրքիոյ գործող նախագահ Ռեճէպ Թայէպ Էրտողանը ընտրութիւններու երկրորդ փուլին 4 տոկոս առաւելութեամբ յաղթած է ընդդիմութեան միասնական թեկնածու Քեմալ Քըլըչտարօղլուին, յայտնած է kommersant.ru-ն։
Այսօրուան առուվաճառքի սկիզբը լիրան տոլարի նկատմամբ իջած է 0,45%-ով՝ հասնելով 20,06-ի:
«Մենք բաւականին յոռետեսական կանխատեսում ունինք լիրայի վերաբերեալ՝ Էրտողանի իշխանութեան մնալու պատճառով», - CNBC-ին ըսած է Wells Fargo-ի տնտեսագէտ Պրանտըն Մաքքենան: Անոր խօսքով՝ երկրորդ եռամսեակի աւարտին լիրայի փոխարժէքը տոլարի նկատմամբ կրնայ իջնել 1 տոլարի դիմաց 23-ի, իսկ յաջորդ տարի՝ 25-ի։
Լիրայի փոխարժէքի վերաբերեալ նոյնքան յոռետեսական կանխատեսումներ կ'ընեն Morgan Stanley-ի վերլուծաբանները։ Անոնք կը կարծեն, որ առանց տնտեսական քաղաքականութեան ընթացքի փոփոխութեան, լիրայի փոխարժէքը մինչեւ տարեվերջ կրնայ իջնել մինչեւ 28՝ 1 տոլարի դիմաց։
