19.09c
Երեվան
ուրբ, ապր 04
ՀՀ պաշտպանութեան նախարարութիւնը տեղեկութիւն տրամադրած է 1 սեպտեմբերին Սոթքի ուղղութեամբ ատրպէյճանական սադրանքի հետեւանքով վիրաւորում ստացած 2 զինծառայողներու առողջական վիճակի մասին։
Նարեկ Կարէնի Պօղոսեանին, որու անունը սկիզբը յայտնուած էր 1 սեպտեմբերին ատրպէյճանական յարձակման հետեւանքով զոհուածներու ցանկին մէջ, բժիշկները կրցած էին վերակենդանացման միջոցառումներու շնորհիւ փրկել. անոր սրտի զարկը վերականգնուած էր։
«Վիրաւորում ստացած Նարեկ Պօղոսեանի վիճակը դեռեւս գնահատւում է ծայրայեղ ծանր, կայուն: Միւս վիրաւորի վիճակը միջին ծանրութեան է, այս պահին կեանքին վտանգ չի սպառնում»,–«Sputnik Արմենիա»ի հետ զրոյցին ըսած է Պաշտպանութեան նախարարութեան մամուլի խօսնակ Արամ Թորոսեանը:
Անոր խօսքով` վիրաւորները կը գտնուին հիւանդանոցի բուժանձնակազմի հսկողութեան տակ:
Յիշեցնենք` ատրպէյճանական Զինուած ուժերը 1 սեպտեմբերին՝ ժամը 07:50-էն սկսեալ, բուռն կրակ բացած է Գեղարքունիքի մարզի Սոթք եւ Նորաբակ համայնքներու հատուածին տեղակայուած հայկական դիրքերու ուղղութեամբ։ Ատրպէյճանը կիրառած է նաեւ ականանետեր եւ անօդաչու սարքեր: Հայկական կողմն ունի 3 զոհ, 2 վիրաւոր:
