4.09c
Երեվան
կրկ, մրտ 08
Սահմաններու բացումը կը բխի 2 երկիրներու եւ ժողովուրդներու շահերէն, յոյսով եմ, որ այդ շուտափոյթ կերպով տեղի կ՚ունենայ:
Այս մասին լրագրողներու հետ զրոյցին ըսած է ՀՀ Ազգային Ժողովի փոխխօսնակ Յակոբ Արշակեանը:
Անոր խօսքով՝ ՀՀ-ի հետ ուժի լեզուով խօսիլը լաւ միտք չէ եւ, ընդհանրապէս, երբ խօսքը խաղաղութեան մասին է, չի կրնար խաղաղութիւնը ըլլալ պարտադրուած, եթէ հաւասարակշռութեան խախտում տեղի ունեցաւ, այդ չի կրնար ապահովել երկարաժամկէտ խաղաղութիւն:
Հարցին՝ սահմանզատում եղած է Կիրանցի հատուածին մէջ, մենք հողեր տուած ենք, իսկ ի՞նչ վերադարձուցած է Ատրպէյճանը, Ազգային Ժողովի փոխխօսնակն ըսած է, որ սահմանազատման գործընթացի ամբողջ իմաստն այն է, որ ՀՀ-ին պատկանող տարածքները վերադարձուին Հայաստանին, Ատրպէյճանինը՝ Ատրպէյճանին:
Ան ըսած է, որ այս փուլին չուզեր մեկնաբանել, որովհետեւ չի կարծեր, որ այդ պիտի նպաստէ ամբողջական սահմանագծման եւ սահմանազատման գործընթացին:
«Մենք հիմա մի գործընթաց ենք սկսել, որն ունի սկիզբ եւ աւարտ: Սկզբի երեք տոկոսն անցել ենք արդէն, այդ երեք տոկոսն ուզում էք ամբողջական ներկայացնել: Չէք կարող դա ներկայացնել, որովհետեւ գործընթացը պէտք է ներկայացուի 100 տոկոս: Ես ձեզ ասում եմ՝ հարիւր տոկոս իրականացնելու դէպքում հայկական բոլոր տարածքները ետ են վերադարձուելու Հայաստանին, ադրբեջանական բոլոր տարածքներն՝ Ադրբեջանին»,- շեշտած է ան:
