image
Հրատապ լուրեր:

Ռուս ճարտարապետ. Արցախի մէջ շատ յուշարձաններ ենթակայ են ոչնչացման

Ռուս ճարտարապետ. Արցախի մէջ շատ յուշարձաններ ենթակայ են ոչնչացման

Արցախի շատ յուշարձաններ այժմ իրական ոչնչացման սպառնալիքի տակ են։ Այս մասին ըսած է ռուսաստանցի ճարտարապետ Անտրէյ Իվանով, որ Երեւանի մէջ կը մասնակցէր «Պատմամշակութային ժառանգութեան պահպանութիւնը որպէս պետութիւններու միջեւ արդիւնաւէտ երկխօսութեան միջոց» միջազգային համագումարին։

Համագումարը, անոր խոսքով, կարեւոր է Արցախի յուշարձաններուն հանդէպ ուշադրութիւն գրաւելու տեսանկիւնէն։

«Առաջին հերթին, պէտք է սկսիլ այդ խնդիրներու լայն միջազգային լուսաբանումէն։ Բացի այդ, Հայաստանի պետական գերատեսչութիւնները պէտք է այս հարցը բարձրացնեն բոլոր հարթակներու վրայ։ Անհրաժեշտ է միջազգային վերահսկողութիւն», նշած է ան։

Իվանով պատմած է այս տարուան Յուլիսին Արցախ ուղեւորութեան մասին, ուր քանի մը օր անցուցած է։ «Այնտեղ հիանալի բնութիւն է, լաւ քաղաք է Ստեփանակերտը։ Այն աւելի լաւ դարձած է, քան 10 տարի առաջ էր։ Քաղաքը վերջին պատերազմի աւերածութիւններէն յետոյ վերականգնուած է։ Ապագային պատրաստ եմ զբաղելու հետազօտութիւններով Արցախի մէջ, եթէ համապատասխան հրաւէր ըլլայ», ըսած է ան։