9.09c
Երեվան
երկ, մրտ 30
ՀՀ երկրորդ նախագահ Ռոպերթ Քոչարեան մինչ յաջորդ դատական նիստը պիտի վերադառնայ Հայաստան։ Տեղեկութիւնը «Sputnik Արմենիա»ին յայտնած է երկրորդ նախագահի գրասենեակի պատասխանատու Բագրատ Միկոյեանը։
Աւելի վաղ «Հրապարակ» թերթը գրած էր, որ Քոչարեանը բուժման նպատակով մեկնած է Գերմանիա։
«Նախագահ Քոչարեանը դատարանի թոյլտւութեամբ բացակայում է Հայաստանից, յաջորդ դատական նիստը նշանակուած է ապրիլի 18-ին, մինչ այդ նախագահը կը վերադառնայ Հայաստան»,- ըսած է Միկոյեան։
Նշենք, որ ՀՀ 2-րդ նախագահը կ'անցնի «Սիլվայի գործով»։
Փետրուար 14-ին նշանակուած դատական նիստը յետաձգուած էր Քոչարեանի վատառողջ ըլլալու պատճառով։ Այդ ժամանակ փաստաբան Յովհաննէս Խուդոյեանը յայտնած էր, որ շուրջ 5 օր անհրաժեշտ կ'ըլլայ, որ նախագահը բուժում ստանայ։ Մարտ 7–ին Ռոպերթ Քոչարեանը չէր ներկայացած դատարան` առողջական խնդիրներու պատճառով։ Յաջորդ դատական նիստը նշանակուած է ապրիլ 18-ին։
