-3.91c
Երեվան
հնգ, հնվ 29
Համայնքային ղեկավար, փոքր ձեռնարկատէր եւ Կլենտէյլի երկար տարիներու բնակիչ Ռանի Ղարիպեան պաշտօնապէս իր թեկնածութիւնը յայտարարած է Կլենտէյլի քաղաքապետական խորհուրդի ընտրութիւններուն, որոնք տեղի պիտի ունենան 2 Յունիսին:
Ղարիպեանի ընտրապայքարը հիմնուած է անոր երկար տարիներու փորձառութեան, համայնքային սպասարկութիւններու պատմութեան եւ քաղաքին բարգաւաճումը ապահովելու՝ անոր նուիրուածութեան վրայ:
Ղարիպեան զաւակն է առաւել քան 43 տարիներ առաջ Միացեալ Նահանգներ ներգաղթած ընտանիքի մը: 15 տարեկանին Կլենտէյլ հաստատուելով՝ ան յաճախած է Հուվըր երկրորդական վարժարանը:
Վերջին առաւել քան 30 տարիներուն, Ղարիպեան իր եղբօր հետ ստանձնած է իր ընտանիքին սեփականութիւնը հանդիսացող փոքր ձեռնարկութեան մը վարչութիւնը եւ անոր միջոցաւ օժանդակած է քաղաքացիներու եւ փոքր ձեռնարկութիւններու, որպէսզի ելեւմտական ճիշդ որոշումներ տան:
Ան նաեւ եղած է Կլենտէյլի Հայ Դատի յանձնախումբի ատենապետ եւ 8 տարիներ եղած է քաղաքի համայնքային զարգացման յանձնաժողովին անդամ, նեցուկ կանգնելով շարք մը համայնքային կազմակերպութիւններու գործունէութեան:
Ընտրապայքարին մասին յաւելեալ տեղեկութիւններու համար այցելել ronnieforglendale.com կայքը:
