20.09c
Երեվան
երկ, հնս 23
Ռուսիոյ նախագահ Վլատիմիր Փութինը շարք մը հայերու մետալներ, շքանշաններ, եւ պատուոգրեր շնորհած է տարբեր ոլորտներու մէջ ունեցած վաստակի համար։
Համապատասխան հրամանագիրը հրապարակուած է Ռուսիոյ Դաշնութեան նախագահի պաշտօնական կայքին մէջ։
Բժշկական գիտութեան եւ առողջապահութեան զարգացման ոլորտի մէջ ունեցած մեծ վաստակի, երկարամեայ բեղմնաւոր գործունէութեան համար «Հայրենիքի առջեւ ունեցած վաստակի համար I աստիճանի» շքանշանով պարգեւատրուած է «Ակադեմիկոս Վ.Ի. Կուլակովի անուան մանկաբարձութեան, կնաբանութեան եւ մօր եւ պտղի առողջութեան ազգային բժշկական հետազօտական կեդրոն» դաշնային պետական պիւտճէթային հաստատութեան փոխտնօրէն Լեյլա Վաղոյի Ադամեանը։
«Ռուսիոյ դաշնութեան վաստակաւոր բժիշկ» պատուաւոր կոչումը շնորհուած է «Մարզային ուռուցքաբանական դարմանատուն» առողջապահութեան պետական հաստատութեան գլխաւոր բժիշկի տեղակալ Գրիգորի Ռաֆայէլի Փիւմփիւլեանին։
Զանգուածային լրատուամիջոցներու զարգացման ոլորտի մէջ ունեցած վաստակի եւ երկարամեայ բարեխիղճ աշխատանքի համար բարեկամութեան շքանշանով պարգեւատրուած է «ՆՏՎ հեռուստաընկերութիւն» բաժնետիրական ընկերութեան հաղորդավար Ռոման Գէորգիի Բաբայեանը։
«Հայրենիքի առաջ ունեցած վաստակի համար II աստիճանի» շքանշանով պարգեւատրուած է «ՆՏՎ հեռուստաընկերութիւն» բաժնետիրական ընկերութեան բաժնի ղեկավար Նիկոլայ Գէորգիի Բայախչեանը եւ «Ռուսաստանի հանրային հեռուստատեսութիւն» ոչ պետական ընկերութեան գլխաւոր տնօրէնի տեղակալ Արմէն Ալպերթի Քեռեանը։
