image

Պայտըն Քաթարի էմիրին հետ քննարկած է Կազայի հատուածին մէջ համաձայնութեան հասնելու ուղիները

Պայտըն Քաթարի էմիրին հետ քննարկած է Կազայի հատուածին մէջ համաձայնութեան հասնելու ուղիները

ԱՄՆ նախագահ Ճօ Պայտըն Քաթարի էմիր Թամիմ պըն Համատ երկրորդի հետ քննարկած է Իսրայէլի եւ «Համաս»-ի միջեւ հրադադարի եւ պատանդներու ազատ արձակման համաձայնագիրը: «Արմէնփրէս»-ի հաղորդմամբ՝ այս մասին հաղորդած է Սպիտակ տան մամուլի ծառայութիւնը։

«Անոնք հաստատած են, որ համապարփակ զինադադարի եւ պատանդներու ազատ արձակման մասին համաձայնագիրը, որ այժմ կը քննարկուի, որոշակի ճանապարհային քարտէզ կ՚առաջարկէ Կազայի մէջ ճգնաժամին վերջ դնելու համար: Նախագահը հաստատած է Իսրայէլի պատրաստակամութիւնը՝ առաջ շարժելու «Համաս»-ին առաջարկուած պայմաններով», -ըսուած է հաղորդագրութեան մէջ։

Ըստ Սպիտակ տան՝ նախագահ Պայտըն հաստատած է, որ ԱՄՆ-ն Եգիպտոսի ու Քաթարի հետ միասին պիտի աշխատի համաձայնագրի պայմաններու ամբողջական կատարումն ապահովելու վրայ։

ԱՄՆ նախագահը Քաթարի էմիրին կոչ ըրած է ձեռնարկելու «բոլոր անհրաժեշտ միջոցները, որ «Համաս»-ը համաձայնի գործարքին»։

Պայտըն յայտնած է, որ «Համաս» «միակ խոչընդոտն է լիակատար զինադադարի եւ Կազայի բնակչութեան օգնութիւն ցուցաբերելու ճանապարհին»։

«Նախագահը շնորհակալութիւն յայտնած է էմիրին եւ անոր բարձրաստիճան խումբին Կազայի մէջ պահուող բոլոր պատանդները ազատելու անխոնջ ջանքերուն համար եւ համաձայնած է շարունակել սերտ համակարգումը յառաջիկայ օրերուն», - աւելցուցած է Սպիտակ տունը: