Միացեալ Նահանգներու նախագահ Ճօ Պայտըն Հերոշիմայի մէջ Ճափոնի վարչապետ Ֆումիօ Քիսիտային խոստացած է ամէն կերպ պաշտպանել Ճափոնը՝ համաձայն երկկողմ անվտանգութեան պայմանագրի, ներառեալ աթոմային հնարաւորութիւններով։ Այս մասին ըսուած է Ճափոնի արտաքին գործոց նախարարութեան մէջ հանդիպման յաջորդած հաղորդագրութեան մէջ։
Պայտըն ու Քիսիտան քննարկած են պաշտպանական ոլորտի մէջ համագործակցութեան ամրապնդման ուղիները, ըսու է ամերիկեան կողմի յայտարարութեան մէջ։
«Նախագահ Պայտըն վերահաստատած է Միացեալ Նահանգներու յանձնառութիւնը Ճափոնի պաշտպանութեան՝ համաձայն Ճափոնի եւ Միացեալ Նահանգներու անվտանգութեան պայմանագրին, որ ապահովուած է բոլոր տեսակի ամերիկեան հնարաւորութիւններով, ներառեալ աթոմային կարողութիւնները», - յայտնած է Ճափոնի արտաքին գործոց նախարարութիւնը:
Միացեալ Նահանգներու Սպիտակ տան յայտարարութեան համաձայն՝ ղեկավարները քննարկած են պաշտպանական համագործակցութեան հետագայ ամրապնդման ուղիները՝ հիմնուելով Ճափոնի վերանայած ռազմավարական փաստաթուղթերու ու պաշտպանական ներդրումներու աւելացման վրայ։
Մայիս 19-21-ը Հիրոշիմայի մէջ տեղի պիտի ունենան Եօթնեակի / G7-ի 49-րդ գագաթնաժողովը։