Պատրաստ ենք պաշտպանելու մեր բոլոր դաշնակիցները. Սթոլթընպերկ

Պատրաստ ենք պաշտպանելու մեր բոլոր դաշնակիցները. Սթոլթընպերկ

ՆԱԹՕ-ի ընդհանուր քարտուղար Ենս Սթոլթընպերկը վստահեցուցած է, որ դաշինքը պիտի պաշտպանէ իր բոլոր դաշնակիցները, եթէ որեւէ մէկը յարձակման ենթարկուի՝ քննադատելով յայտարարութիւնները, որոնք կասկածի տակ կը դնեն այդ։

Անոր մեկնաբանութիւնը մէջբերած են շարք մը լրատուամիջոցներ, այդ շարքին՝ «The Guardian»-ը։

Դաշինքի ընդհանուր քարտուղարը նշած է, որ յարձակման պարագային ՆԱԹՕ-ն ե՛ւ պատրաստ է, ե՛ւ ունակ է պաշտպանելու բոլոր դաշնակիցները, եւ ՆԱԹՕ-ի երկրի վրայ որեւէ յարձակում պիտի ստանայ միասնական եւ հզօր պատասխան։

«Որեւէ ենթադրութիւն, որ դաշնակիցները իրար չեն պաշտպաներ, կը խաթարէ մեր ողջ անվտանգութիւնը եւ կը մեծցնեն վտանգները ամերիկեան եւ եւրոպական զինուորականներու համար: Յուսով եմ, որ անկախ անկէ, թէ ով կը յաղթէ (նախագահական ընտրութիւններուն - Խմբ.) Միացեալ Նահանգները կը մնայ ՆԱԹՕ-ի ուժեղ եւ հաւատարիմ դաշնակից»,-ըսած է Սթոլթընպըրկը:

Յիշեցնենք, որ Միացեալ Նահանգներու նախկին նախագահ Տանըլտ Թրամփը նախընտրական միջոցառման ժամանակ պատմած է, թէ ինչպէս սպառնացած է ՆԱԹՕ-ի դաշնակիցներուն «խրախուսել Ռուսիոյ» յարձակումը անոնց դէմ, եթէ այդ երկիրները չաւելցնեն ներդրումները հաւաքական անվտանգութեան մէջ։

Եւրոպական խորհուրդի նախագահ Շառլ Միշելը Թրամփի խօսքերը որակած է անպատասխանատու։