23.09c
Երեվան
շբթ, մյս 24
Օրերս, Էրպիլի Ս. Խաչ եկեղեցւոյ մէջ պատարագ մատուցուած է հանդիսապետութեամբ Իրաքահայ թեմի առաջնորդ Օշական եպիսկ. Կիւլկիւլեանի եւ ձեռամբ տեղւոյն հոգեւոր հովիւ Արթուն քհնյ Խալաթեանի։
Ասոր մասին «Արեւելք» տեղեկացաւ Իրաքի Հայոց Թեմի Առաջնորդարանի դիմատետրեան էջէն։
Ստորեւ՝ լրատւութիւնը։
Հանդիսապետութեամբ Թեմիս Բարեխնամ Առաջնորդ Գերշ. Տ. Օշական եպս. Կիւլկիւլեանի` Սուրբ և Անմահ Պատարագ մատուցուեցաւ Էրպիլի Սբ. Խաչ եկեղեցւոյ մէջ Ուրբաթ, Նոյեմբերի 15ին։
Պատարագը մատուցեց Էրպիլի հոգեւոր հովիւ արժ. Տ. Արթուն քհն. Խալաթեանը։
Այս հոգեպարար արարողութեան ներկայ եղան Ազգային Կեդրոնական վարչութեան ատենապետն ու անդամներէն ոմանք, Տհօքի և Զախոյի Թաղականութեան ատենապետները, Էրպիլի Թաղական Խորհուրդի ատենապետն ու անդամները ինչպէս նաև հաւատացեալներու բազմութիւն։
Յետ պատարագին Առաջնորդ Սրբազան Հօր օրհնութեամբ և ընտրութեան յանձնախումբի հսկողութեամբ, քառամեայ շրջանի գործունէութեան համար տեղի ունեցաւ Էրպիլի նոր Թաղական Խորհուրդի ընտրութիւնը։
Աւարտին Սրբազան Հայրը օրհնեց նորընտիր անդամները մաղթելով անոնց ոյժ և կորով իրենց ծառայութիւնը բերելու մեր Մայրենի եկեղեցիի պայծառացման և համայնքի վերելքին համար։
