9.09c
Երեվան
ուրբ, նմբ 08
Մեր պահանջները կը ներկայացնենք ՄԱԿ-ին առ այն, որ Ատրպէյճանը ժամ առ ժամ, նպատակադրուած կը վերացնէ հայկական հետքն Արցախի մէջ:
Այս մասին լրագրողներու հետ զրոյցին ըսած է ՄԱԿ-ի գրասենեակի դիմաց բողոքի ցոյց իրականացնող արցախցի Արմինէ Աւագիմեանը:
«Գիտենք, որ ՄԱԿ-ի արդարադատութեան միջազգային դատարանը որոշում ունի այն մասին, որ իրենց տները լքած արցախցիներին Ադրբեջանը պարտաւոր է տրամադրել իրենց փաստաթղթերը, գոյքը, ունեցուածքը»,-ըսած է ան:
Աւագիմեան նշած է, որ իրենց պահանջներէն մէկը Արցախ վերադարձի իրաւունքի վերականգնումն ու ապահովումն է:
«Միջազգային մեխանիզմների կիրառմամբ պէտք է ապահովուի մեր անվտանգ վերադարձը: Ցաւօք, իշխանութիւնների գործողութիւնները բաւարար չեն արցախցիների վերադարձն ապահովելու ուղղութեամբ, աւելին մենք նկատում ենք, որ արցախցիների վերադարձի հարցը օրակարգից փորձ է արւում հանել: Եթէ մենք գոյաբանական, ֆիզիկական անվտանգութիւնից ելնելով՝ լքել ենք մեր բնակավայրերը, դեռ չի նշանակում, որ մենք յարմարուելու ենք: Ուսումնասիրելով Ադրբեջանի մեդիադաշտը՝ նկատում ենք, որ նոյնիսկ այնտեղ են զարմացած, թէ ինչպէս է արցախցիների իրաւունքների հարցը հանւում օրակարգից»,-ըսած է ան:
