29.09c
Երեվան
հնգ, սպտ 03
Նուպար Աֆէեանի համահիմնադրած «Մոտեռնա» (Moderna) ընկերութիւնը աննախադէպ յաջողութեան հասած է մորթի քաղցկեղի դէմ պայքարին մէջ: Խօսքը պատմութեան մէջ առաջին անգամ ըլլալով քաղցկեղի դէմ mRNA պատուաստանիւթի դարմանական փորձարկումներու վերջնական հանգրուանի դրական արդիւնքներուն մասին է:
Շուկան անմիջապէս դրականօրէն արձագանգած է մելանոմայի դէմ «Intismeran» անհատականացուած պատուաստանիւթի փորձարկումներու յաջողութեան, զոր «Մոտեռնա»ն կը մշակէ «Merck» (MSD) ընկերութեան հետ միասնաբար:
Արդարեւ, մէկ օրուան մէջ «Մոտեռնա»-ի բաժնեթուղթերը արձանագրած են գրեթէ 160 տոկոսի թռիչք մը՝ մօտաւորապէս 63 տոլարէն բարձրանալով 163,47 տոլարի: Ընկերութեան շուկայական արժէքը գերազանցած է 55 միլիառ տոլարը: Այս զարգացումներուն զուգահեռ, աւելի քան 11 տոկոսի աճ արձանագրած են նաեւ «Merck»-ի բաժնեթուղթերը:
