Մայր Աթոռէն ՝ Նոր նշանակումներ

Մայր  Աթոռէն ՝ Նոր նշանակումներ

Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսի հայրապետական տնօրինութեամբ կատարուած են նորաօծ եկեղեցականներու նշանակումները:

Արժանապատիւ Տ. Տրդատ քահանայ Գրիգորեան  ծառայութեան նշանակուած է ՀՀ Զինուած ուժերուն, Արժանապատիւ Տ. Սեպուհ քահանայ Յակոբեան ու Տ. Յովհան քահանայ Յովհաննիսեան ծառայութեան կոչուած են Արցախի թեմին, Արժանապատիւ Տ. Տիրան քահանայ Նահապետեան ծառայութեան կ'անցնի Մասեացոտնի թեմէն ներս, Արժանապատիւ Տ. Արտավազդ քահանայ Սիմոնեան իր ծառայութիւնը կը ցուցաբերէ Գուգարաց թեմին, Արժանապատիւ Տ. Ներսէս քահանայ Աշուղբաբեան եւ Տ. Արամ քահանայ Կարապետեան ծառայութեան նշանակուած են Վայոց Ձորի թեմին, Արժանապատիւ Տ. Տիգրան քահանայ Յակոբեան ծառայութեան կոչուած է Սիւնեաց թեմին, Արժանապատիւ Տ. Մաղաքիայ քահանայ Գեւորգեան իր ծառայութիւնը կ'իրականացնէ Արագածոտնի թեմէն ներս, Արժանապատիւ Տ. Արտաշէս քահանայ Յակոբեան իր ծառայութիւնը կը ցուցաբերէ Ուկրաինայի հայոց թեմին, Արժանապատիւ Տ. Յուսիկ քահանայ Դոխոլեան ծառայութեան կոչուած է Գեղարքունեաց թեմին: