-2.91c
Երեվան
ուրբ, դկտ 19
Վրաստանի մայրաքաղաք Թիֆլիսի մէջ կայացած «Մանկական Եւրատեսիլ-2025»-ին յաղթեց Ֆրանսան։
Երկրորդ տեղը զբաղցուց Ուքրանիան, երրորդը՝ Վրաստանը, Հայաստանի պատուիրակ Ալպերթը 4-րդ հորիզոնականի վրայ է՝ 175 միաւորով։ Լաւագոյն հնգեակը եզրափակեց Սպանիան։
Մրցոյթին այս տարի կը մասնակցէր 18 երկիր՝ Մալթա, Ատրպէյճան, Խորուաթիա, Սան Մարինո, Հայաստան, Ուքրանիա, Իռլանտա, Հոլանտա, Լեհաստան, Հիւսիսային Մակեդոնիա, Մոնթենեկրո, Իտալիա, Փորթուկալ, Սպանիա, Վրաստան, Կիպրոս, Ֆրանսա, Ալպանիա:
Նշենք, որ աննախադէպ երեւոյթ էր այս մրցոյթի 18 ընդհանուր մասնակիցներուն մէջ տեսնել երեք հայազագի մասնակից, որոնք ներկայացուցին երեք տարբեր երկիրներ. Հայաստանի ներկայացուցիչն էր Ալպերթ Արմենակեանը, Ուքրաինան կը ներկայացնէր Սոֆիա Ներսէսեանը, իսկ Անիթա Աբգարեան՝ Վրաստանը։
Մրցոյթի 2-րդ, 3-րդ եւ 4-րդ պատուաբեր տեղերը գրաւեցին հայ մանուկները։
