ՄԱԿ-ը դատապարտած է Թուրքիոյ կողմէ Տհոքի գնդակոծութիւնը

ՄԱԿ-ը դատապարտած է Թուրքիոյ կողմէ Տհոքի գնդակոծութիւնը

Անվտանգութեան խորհուրդի անդամները խստագոյնս դատապարտած են 20 յուլիս 2022-ին Իրաքի Տհոք նահանգին մէջ տեղի ունեցած յարձակումը։

Յարձակման հետեւանքով զոհուած է առնուազն ինը խաղաղ բնակիչ, որոնց շարքին՝ երեխաներ, ըսուած է Խորհուրդի ղեկավար Ռոնալտo Քոսթա Ֆիլիոյի տարածած յայտարարութեան մէջ:

«Անվտանգութեան խորհուրդի անդամներն իրենց խորին կարեկցանքն ու ցաւակցութիւնը յայտնած են զոհուածներու ընտանիքներուն, Իրաքի եւ Իրաքեան Քիւրտիստանի կառավարութեան, վիրաւորներուն շուտափոյթ եւ լիակատար ապաքինում մաղթած եւ աջակցութիւն յայտնած են Իրաքի իշխանութիւններուն իրենց հետաքննութեան մէջ։

Անվտանգութեան խորհուրդի անդամները կոչ ըրած են բոլոր անդամ պետութիւններուն աշխոյժօրէն համագործակցելու Իրաքի կառավարութեան եւ բոլոր համապատասխան մարմիններու հետ՝ հետաքննութիւններուն աջակցելու համար:

Անվտանգութեան խորհուրդի անդամները վերահաստատած են իրենց աջակցութիւնն Իրաքի անկախութեան, ինքնիշխանութեան, միասնութեան, տարածքային ամբողջականութեան, ժողովրդավարական գործընթացին եւ բարգաւաճման»,-ըսուած է ՄԱԿ-ի Անվտանգութեան խորհուրդի յայտարարութեան մէջ:

Յիշեցնենք, որ աւելի վաղ Իրաքը Թուրքիոյ դէմ բողոք ուղարկած էր ՄԱԿ-ի Անվտանգութեան խորհուրդ, ուր նշուած էր թրքական 22700 խախտում, այդ շրքին՝ վերջերս տեղի ունեցած յարձակման զոհերու անունները: