30.09c
Երեվան
երկ, օգս 18
Մահացած է հայ երաժշտահան, ՀՀ ժողովրդական արուեստագէտ Արթուր Գրիգորեանը:
Գրիգորեան ծնած է 1958-ի Յուլիս 31-ին:
Ուսանած է Երեւանի Տիգրան Չուխաճեանի անուան երաժշտական դպրոցի դաշնամուրային, այնուհետեւ` երաժշտահանութեան դասարանը, 1975-1979 թուականներուն` Երեւանի Ռ. Մելիքեանի անուան երաժշտական ուսումնարանը:
1981-1983 թուականներուն եւ 1987 թուականէն դասաւանդած է «Հայհամերգ» էսթրատային սթուտիոյին մէջ: 1983-1984 թուականներուն աշխատած է Գեղագիտութեան ազգային կեդրոնին մէջ: 1984-1991 թուականներուն ուսանած է Մոսկուայի թատերական արուեստի պետական հիմնարկը:
1992-ին նշանակուած է Հայաստանի Ազգային ֆիլհարմոնիկ գործակալութեան նախագահ, մինչ 1994 ղեկավարած է Հայաստանի պետական ճազ նուագախումբը: 1994-ին հիմնադրած է Հայաստանի Երգի պետական թատրոնը եւ եղած է անոր գեղարուեստական ղեկավարը: 1995-1998 թուականներուն եղած է Երեւանի Երիտասարդական պալատի տնօրէնը: 2001-ին հանդիսացած է Հայաստանի Հանրային հեռուստառատիոընկերութեան խորհուրդի անդամ, 2009-էն` խորհրդատու:
Հեղինակած է «Այո», «777», «Ասուպ», «Ընծայ» մրցանակաբաշխութիւնները, «Հէնց այսպէս», «Տես» հեռուստահաղորդումները, «Կանաչ գօտի», «Արցախի ձայներ» նախագիծերը, Հայաստանի «Զաքեան» ֆոնտի հովանաւորչական ամէնամեայ հեղինակ-կատարողներու մրցանակաբաշխութիւնը: Հեղինակած է բազմաթիւ երգեր, մանկական միւզիքըլներ, մասսայական միջոցառումներ, փառատօներ, թեմատիկ եւ էսթրատային համերգներ:
