Լիբանանի տարածք որեւէ ներխուժում կամ ատոր մասնակի բռնագրաւում ոտնձգութիւն պիտի ըլլայ համաարաբական անվտանգութեան դէմ: Նման յայտարարութեամբ հանդէս եկած է Արաբական պետութիւններու լիկայի անդամները՝ Գահիրէի մէջ մշտական ներկայացուցիչներու մակարդակով կազմակերպութեան խորհուրդի արտակարգ նիստի աւարտին:
«Կը դատապարտենք Լիբանանի դէմ Իսրայէլի շարունակուող բարբարոսական յարձակումը եւ կոչ կ՚ընենք անյապաղ դադրեցնելու այն, քանի որ նման գործողութիւնները լուրջ վտանգներ կը պարունակեն տարածաշրջանային կայունութեան համար: Մենք նաեւ կը հաստատենք, որ Լիբանանի տարածք որեւէ ներխուժում եւ ատոր որեւէ մասի բռնազաւթումը կը համարենք ոտնձգութիւն համաարաբական ազգային անվտանգութեան դէմ»,-ըսուած է իրաքեան Shafaq News տեղեկատուական հարթակի տարածած հաղորդագրութեան մէջ:
Արաբական պետութիւններու լիկայի արտահերթ նիստի մասնակիցներն ընդգծած են լիակատար համերաշխութիւնը Լիբանանի հետ եւ կոչ ըրած են երկիրներուն եւ միջազգային կազմակերպութիւններուն արագցնելու մարդասիրական օգնութիւնը Լիբանանին: