22.09c
Երեվան
կրկ, սպտ 01
Տաւուշի մարզպետ Հայկ Ղալումեան այսօր գացած է Կիրանց, ուր փակ հանդիպում ունեցած է Կիրանցի տղամարդոց հետ։ Տեղեկութիւնը «Sputnik Արմենիա»ին յայտնած է Կիրանցի բնակիչներէն մէկը։
Հանդիպման արգիլուած եղած է լրատուամիջոցներու մուտքը։
Հանդիպումէն ետք Կիրանցի բնակիչները բացած են Հայաստան–Վրաստան միջպետական ճանապարհը։
«Մարզպետն ասեց`ոչ մի բան չի փոխուելու, սահմանազատուելու է»,–ըսած է հանդիպման մասնակցած կիրանցեցին եւ աւելցուցած՝ «այսինքն` ճանապարհը, 2 տունը, հողատարածքները, անցած տարի 100 միլիոն դրամով կառուցուած ջրի պոմպակայանը անցնում են Ատրպէճանին»։
Անոր խօսքով` մարզպետը փորձած է գիւղացիները հանգստացնել, ըսած է` պատ կը կառուցենք, փոխհատուցում կու տանք։ Բայց կիրանցեցին յիշած է Սիւնիքի Շուռնուխի պատմութիւնը, երբ արդէն 4 տարի է` մարդիկ դեռ տուն չունին։
Գիւղացիները թեւաթափ եղած են, հասկցած են, որ եթէ ճանապարհը չբանան, կարմիր պերէթաւորներ պիտի բերեն։
Ոստիկաններն ալ բացած են դէպի գիւղ տանող ճանապարհը։
Նշենք, որ երէկ ամբողջ օրուան ընթացքին կիրանցեցիները կը պահանջէին հանդիպում Տաւուշի մարզպետի հետ։ Վերջինս համաձայնած էր հանդիպիլ գիւղի դպրոցի մօտ՝ առանց լրատուամիջոցներու ներկայութեան։ Գիւղացիներն այս պայմանին չէին համաձայնած՝ յայտարարելով, որ թաքցնելու բան չունին, որու պատճառով ալ մարզպետի հետ հանդիպումը չէր կայացած։
